Atividade

MAEKOM Partisipa iha Lansamentu Cesta-Bázika iha PA Metinaro

MAEKOM Partisipa iha Lansamentu Cesta-Bázika iha PA Metinaro

Ohin, Governu Timor-Leste hahú lansa Programa Cesta Básica iha Postu Administrativu Metinaro, Munisípiu Dili. Movimentu 'MAEKOM' hetan oportunidade atu apoiu programa governu cesta básica liuhusi distribuisaun manu broiler.
 
Veteranu tinan-24 iha Ai-laran, Agostinho 'Sidabutar', nu'udar membru MAEKOM ho kontente fahe manu broiler ba komunidade Metinaro.
 
Nia dehan "Manu broiler iha luhan Beraka, Hera sei barak no aban kontinua fahe ba komunidade Meitnaro to'o hotu".
 
Lansamentu distribuisaun cesta básica hala'o husi Vise Primeiru-Ministru, Jose Reis no akompaña husi membru governu, ajénsia ONU, korpu diplomátiku, sosiedade sivíl, setór privadu, amu pároku no komunidade.
 
MAEKOM pronto nafatin apoiu governu hodi realiza programa cesta básica iha territóriu tomak hodi rekupera ekonomia, redús malnutrisaun no alarma hamlaha iha Timor-Leste.
 
Parabéns!