MAEKOM Hetan Apresiasaun Louvór husi MAP

MAEKOM Hetan Apresiasaun Louvór husi MAP

Prezidente MAEKOM ho membru tomak agradese ba Ministru Agrikultura no Peskas (MAP)/Prezidente KONSSANTIL, Exelénsia, Pedro dos Reis ne'ebé rekoñese MAEKOM nu'udar "Autór no Promove Ai-han Lokál" iha Timor-Leste.

Prezidente MAEKOM, Rui Castro dehan durante tinan-rua ho balun MAEKOM kontinua hala'o advokasia ba Timor-oan atu hadomi produtu lokál, tanba Timor-oan balun hahú husik setór produtivu ne'ebé loloos sai fontes rendimentu ne'ebé di'ak ba Timor-oan no nasaun.

"Ita haree ezemplu, iha nasaun viziñu Indonesia, setór agrikultura mak kresimentu di'ak ba sira-nia nasaun iha surtu COVID-19, no setór sira seluk kresimentu tuun. Ne'e hatudu katak Timor-oan hotu tenke konsidera setór ne'e mak sei kria empregu barak liu, hadi'ak ekonomia uma-kain, no malnutrisaun", Sr Rui Castro hato'o mensajen ne'e iha nia-eskritóriu Bidau, 7 Janeiru.

Apresiasaun Louvór ne'e oferese iha relasaun ho Loron Mundiál Ai-han ne'ebé selebra iha Timor-Leste iha loron 16 Outubru 2020.

Mai ita promove ai-han lokál hodi hadi'ak rendimentu agrikultór no nutrisaun iha Timor-Leste!


Imprimi