Komunikadu Imprensa

Tinan-ida liu ona, Ita hahú Movimentu Asaun Ekonomia Populismu (MAEP) liutiha muda-nia naran ba Movimentu Asaun Ekonomia Kom unitária (MAEKOM). Ita hahú ho susar oin-oin tanba hasoru obstaklu barak. Maibé ho lideransa husi Fundadór no Prezidente MAEKOM, Eng - Rui Manuel de Castro Perreira no nia membru sira ne'ebé ho dedikasaun no kompromisu aas, ita kontinua servisu maka’as hodi buka modelu investimentu ne'ebé integradu iha setór produtivu.

Iha tinan-ida nia laran, ita hetan modelu ne'ebé ita buka, no ita konsege hakat ba dalan susesu ho rezultadu produtu-ida no atividade tolu. Le’e liután relatóriu servisu tinan-ida MAEKOM iha https://maekom.com.tl/tl/midia/relatoriu/relatoriu-atividade-tinan-ida-ezistensia-maekom

Dili, 16 Janeiru 2020 — MAEKOM hala’o ona investimentu dahuluk iha Timor-Leste iha setór pekuária hanesan hakiak manu-frangu no kolabora ona ho Madre Canossiana atu halo diversifikasaun ba produtu sira ne’e hodi fó kontribuisaun signifikante atu hadi’ak nutrisaun Timor-oan no hasa’e númeru asesu ba na’an fresku nómos kria kampu servisu iha territóriu tomak hodi diversifika ita-nia ekonomia tuir Planu Estratéjiku Dezenvolvimentu Nasionál (PEDN, 2011).

Setór produtivu mak bele apoiu maka’as ba kresimentu ekonomia nasaun ida hodi kore-an husi depedensia rekursu naturais ba nasaun sira-nia dezenvolvimentu sustentavel.